Մալայզիան չի կարծում, որ հայտնվել է ԱՄՆ-ի և Չինաստանի միջև ընտրության առջև և պատրաստ է զարգացնել հարաբերությունները երկու երկրների հետ էլ։ Այս մասին Ճապոնիայի հանրային հեռուստատեսությանը հայտարարել է Մալայզիայի վարչապետ Անվար Իբրահիմը, որը ներկայումս պաշտոնական այցով գտնվում է Ճապոնիայում։
«Կա այնպիսի ընկալում, որ մենք փակուղու մեջ ենք ԱՄՆ-ի և Չինաստանի միջև՝ հազվագյուտ հանքանյութերի և Հարավչինական ծովում տիրող իրավիճակի պատճառով (ՀՉԾ )։ Սակայն, իրականում, մենք այդքան էլ դժվար իրավիճակում չենք։ Մենք մտածում ենք բացառապես խոշոր տերությունների հետ համագործակցության մասին», – նշել է նա։ Անվարը խոստովանել է, որ ՀՉԾ երկրների միջև տարաձայնությունները մնում են, բայց ընդգծել է, որ իրավիճակը չի սրվում։
Մի քանի տասնամյակ շարունակ Չինաստանը վեճերի մեջ է եղել մի քանի երկրների հետ՝ Հարավչինական ծովի առանձին կղզիների տարածքային պատկանելության շուրջ, որտեղ ափամերձ գոտում հայտնաբերվել են ածխաջրածնային զգալի պաշարներ։
Վեճերը հիմնականում վերաբերում են Շիշա (Պարասել), Նանշա (Սպրատլի) և Հուանգյան (Սկարբորո Ռիֆ) կղզեխմբերին։ Այս վեճերում ներգրավված են Բրունեյը, Վիետնամը, Մալայզիան և Ֆիլիպինները։