Արգելարշավ

09.06.2026 | 00:27

Վեր բարձրացեք ձեր սին պատրանքներից ու վախերից և հասեք Իմ ուրախությանը:

Այդ բավական է բուժելու համար ձեր բոլոր վախերն ու խոցերը:

Մի մտաբերեք ձեր թերություններն ու ձախորդությունները և դրանց պատճառած դյուրազգաց ցավը, մոռացեք ցավառիթ ցնցումներն ու անհաճո երերումները:

Ապավինեք Ինձ:

Սիրեք Ինձ:

Կանչեք Ինձ:

Ձեր դաստիարակությունը մի յուրօրինակ արգելարշավ է.

«ՈՒստի վազեք, որպեսզի հասնեք»:

Որ կարողանաք ձեռք բերել ոչ միայն ձեր սրտի կամեցածը, այլ նաև Ինձ, որ ձեր հոգու ուրախությունն եմ ու նավահանգիստը:

Ինչ կմտածեք մրցասպարեզ ելած այն վազողի մասին, որ ինքն իրեն հուսահատ գետին է նետում առաջին իսկ արգելքի դիմաց, որը դրված էր վրայից անցնելու համար:

ՈՒրեմն ոտքի ելեք ու շարունակեք ձեր արշավը. Ես եմ ձեր թե’ Առաջնորդը, և թե’ Նպատակը:

Մեկնաբանություններ