«Իսրայէլը մեր տունն է» կուսակցութեան ղեկավար, Իսրայէլի պաշտպանութեան նախկին նախարար Աւիկտոր Լիպըրման յայտնեց, որ Լիբանանի մէջ նոր զինադադարը հինին կը նմանի:
Ան նշեց, որ առանց Հարաւային արուարձաններուն կամ Պաալպեքի վրայ յարձակում գործելու, կարելի չէ Հըզպալլայի դէմ ճակատամարտը վճռել:
«7 հոկտեմբերի կառավարութիւնը իսրայէլեան բանակի ձեռքերը կը կապէ, եւ մեր զինուորներն ու հիւսիսի բնակիչները Հըզպալլայի համար բռնցքամարտի տոպրակի կը վերածէ», աւելցուց Լիպըրման:
Միւս կողմէ, աղբիւրներ իսրայէլեան «Ուալլա» կայքին յայտնած են, որ իսրայէլեան բանակը Նապաթիէ քաղաքի մերձակայքին մէջ ցամաքային սահմանափակ գործողութեան ձեռնարկած է` զինեալներ եւ ականներ բացայայտելու համար:
Կայքը կ՛աւելցնէ, որ Նապաթիէն Հըզպալլայի համար ռազմավարական եւ խորհդանշական արժէք ունի:
Աղբիւրները կայքին յայտնած են, թէ բանակը կը նախատեսէ անկումը Նապաթիէին, որ Լիբանանի մէջ Հըզպալլայի մեծագոյն կեդրոններէն մէկն է, եւ այդ զարգացումը մեծ ցնցում մը պիտի ըլլայ` նկատի ունենալով, որ Պէյրութը ամերիկեան անձեռնմխելիութիւն կը վայելէ: