Նիդեռլանդական Royal Flora Holland-ն բացում է իր շուկան ծաղիկ արտադրող՝ հայ տնտեսվարողների համար՝ նրանց կապելով Եվրոպայի և դրանից այն կողմ գտնվող գնորդների հետ։
Այդ մասին X-ում գրառում է կատարել Նիդեռլանդների արտգործնախարար Թոմ Բերենդսենը։
Հիշեցնենք՝ Ռուսաստանը վերջին շրջանում պարբերաբար սահմանափակումներ է կիրառում հայկական ապրանքների ներմուծման վրա։ Մասնավորապես, Ռուսաստանն արգելել է Հայաստանի ծաղիկների, «Ջերմուկ» հանքային ջրերի, ալկոհոլային որոշ խմիչքների, ձկնամթերքի ներմուծումը։ Սահմանափակումներ են կիրառվել պտուղ-բանջարեղենի, մրգերի ներմուծման վրա։