Լոռու մարզի քաղաք Վանաձորի 23/53 ընտրատեղամասում 10։20-ի դրությամբ քվեարկել է 151 քաղաքացի՝ 1589 ընտրողներից։
Ընտրական գործընթացը հանգիստ է, հանձնաժողովի նախագահ Տիգրան Գյոկչակյանի խոսքով՝ կուտակումներ չեն եղել։
Խնդիրները տեխնիկական են. կան քաղաքացիներ, որոնք տեղյակ չեն, որ ընտրատեղամասում պետք է ընտրել։ Կան քաղաքացիներ, որոնք գրիչ են խնդրում կամ ցանկանում են քվեաթերթիկը ծալած դնել ծրարում։
Տեղամասում դիտորդները երեքն են, երկուսը ԵԱՀԿ ԺՀՄԻԳ ներկայացուցիչ են, մեկը՝ նրանց հայ թարգմանիչը։
Վստահված անձինք վեցն են՝ 2-ը՝ «Քաղաքացիական պայմանագրից», 2-ը՝ «Ուժեղ Հայաստան»-ից, 1-ը՝ «Բարգավաճ Հայաստան»-ից, 1-ը՝ «Միասնության թևեր»-ից։
Ընտրատեղամասում քաղաքացիներից մեկը իր հարսանիքից առաջ ժամանակ է տրամադրել քաղաքացիական պարտքը կատարելու։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter