Լեհաստանի ազգային հավաքականի 37-ամյա հարձակվող Ռոբերտ Լևանդովսկին համաձայնության է եկել թուրքական «Ֆեներբախչեի» հետ՝ անձնական պայմանագրի կետերի շուրջ։
Ինչպես հաղորդում է լրագրող Յագիզ Սաբունջուօղլուն, ակումբի նախագահի թեկնածու Հաքան Սաֆին սկզբունքային համաձայնության է հասել լեհ ֆուտբոլիստի հետ։ Սպասվում է, որ Լևանդովսկին կստորագրի «2+1» ձևաչափով պայմանագիր, նրա տարեկան աշխատավարձը կկազմի 15 միլիոն եվրո, իսկ անհատական բարձր ցուցանիշների համար կնախատեսվեն նաև հավելյալ բոնուսներ։
Ավելի վաղ հայտնի էր դարձել, որ հարձակվողը չի կարողացել ընդհանուր հայտարարի գալ «Բարսելոնայի» հետ պայմանագրի երկարաձգման շուրջ, և կատալոնական ակումբից կհեռանա ազատ գործակալի կարգավիճակով։
Նախորդ մրցաշրջանում լեհ ֆուտբոլիստը «Բարսելոնայի» կազմում բոլոր մրցաշարերում մասնակցել է 46 հանդիպման՝ աչքի ընկնելով 19 գոլով և 4 արդյունավետ փոխանցմամբ։