Իսրայելը և լիբանանյան շիական «Հեզբոլլահ» շարժումը շարունակում են փոխանակվել հարվածներով՝ չնայած ԱՄՆ-ի միջնորդությամբ Իսրայելի և Լիբանանի միջև կնքված հրադադարի համաձայնագրին, հինգշաբթի հաղորդել է The New York Times-ը։
«Իսրայելը և «Հեզբոլլահ»-ի զինյալները հարվածներ են փոխանակել Թրամփի վարչակազմի կողմից երկու երկրների միջև նոր հրադադարի համաձայնագրի կնքումից մի քանի ժամ անց», – ասվում է հրապարակման մեջ։
Ավելի վաղ «Հեզբոլլահ» խմբավորումը հայտարարել էր , որ համաձայն չէ Իսրայելի և Լիբանանի իշխանությունների միջև կնքված հրադադարի պայմանների հետ։
«Մենք որևէ պարտավորություն չենք ստանձնել դադարեցնել դիմադրությունը, քանի դեռ շարունակվում է օկուպացիան», – հինգշաբթի օրը հայտարարել է խմբավորման առաջնորդ Նաիմ Քասեմը։
Նա բացատրել է, որ պահանջում է իսրայելական զորքերի դուրսբերումը Լիբանանի տարածքից։