Իսրայելական բանակը պատրաստ է ցանկացած պահի վերսկսել մարտական գործողությունները Իրանի դեմ։ Այս մասին հայտարարել է Իսրայելի պաշտպանության բանակի շտաբի պետ, գեներալ-լեյտենանտ Էյալ Զամիրը։
Նա այս մասին հայտարարել է Հայֆա կատարած աշխատանքային այցի ժամանակ, որտեղ այցելել է տեղի Իսրայելի ռազմածովային բազա և օպերատիվ հանդիպում անցկացրել ռազմածովային սպաների հետ, հաղորդում է Իսրայելի պաշտպանության բանակի մամուլի ծառայությունը։
«Իսրայելի պաշտպանության բանակը, նրա բոլոր ստորաբաժանումները, պատրաստ են անհապաղ վերսկսել մարտական գործողությունները Իրանի ահաբեկչական ռեժիմի դեմ», – ասել է Զամիրը։
«Իսրայելի ռազմածովային ուժերը կարևոր դեր են խաղում ահաբեկչական ռեժիմին կրկին վճռական հարված հասցնելու մեր կարողության մեջ, ինչպես դա արել ենք անցյալում», – հավելել է գեներալը։