Մասիս քաղաքում միջադեպ է տեղի ունեցել «Ուժեղ Հայաստան» դաշինքի համակիրների մասնակցությամբ, ովքեր իրականացնում էին նախընտրական քարոզչություն։
Համացանցում հրապարակված տեսանյութում երևում է, թե ինչպես է մի խումբ անձանց միջև ծագած վեճը վերածվում ծեծկռտուքի, որի ընթացքում հարվածներ են հասցվում քարոզարշավի մասնակիցներին։ Վերջիններս կրում են 3 համարի ներքո հանդես եկող դաշինքի խորհրդանիշներով սպիտակ շապիկներ։ Տուժածների թվում, ըստ նախնական տվյալների, կան նաև կանայք:
Լրատվամիջոցներում տարածված տեղեկությունների համաձայն՝ միջադեպին հնարավոր է առնչություն ունենան իշխող «Քաղաքացիական պայմանագիր» կուսակցության կողմնակիցները։ Մասնավորապես, շրջանառվում է նույն կուսակցության անդամ Սայեն Հայրապետյանի անունը։
Այս տեղեկատվության պաշտոնական հաստատումը կամ իրավապահ մարմինների կողմից տրված գնահատականը ներկա պահին դեռևս բացակայում է։
