Կենտրոն վարչական շրջանում այսօր տեղի ունեցավ նոր խաղահրապարակի բացումը՝ Վ. Վաղարշյանի անվան թիվ 80 դպրոցի բակում։ Ժամանակակից չափանիշներին համապատասխան կառուցված խաղահրապարակը ծառայելու է ինչպես դպրոցի սաներին, այնպես էլ հարակից շենքերի բնակիչներին՝ դառնալով ակտիվ հանգստի, խաղի և ուրախ ժամանցի նոր միջավայր։
Կենտրոն վարչական շրջանի ղեկավար Պետրոս Պետոյանն ասել է, որ այժմ փորձում են Կենտրոնում առանձնացնել այն հատվածները, որոնց մոտակայքում խաղահրապարակ չկա. «Մոտավորապես 40-ին մոտ բակեր ենք բարեկարգել՝ թե՛ հիմնանորոգել ենք, թե՛ ընթացիկ աշխատանքներ ենք արել։ Դա մեր քաղաքականության գլխավոր մասն է, որ ավելացնենք նման գունավոր կետեր, որոնք ինչ-որ մի պահի կմիանան և կդառնան բարեկարգված, գեղեցիկ ու լավ միջավայր», – նշել է նա։
Մանրամասները՝ տեսանյութում։