ԱՄՆ Այովա նահանգի Մասկատին քաղաքում տեղի ունեցած կրակոցների հետևանքով զոհվել է առնվազն յոթ մարդ, այդ թվում՝ կրակողը։
Տեղի ոստիկանության բաժանմունքը հայտարարել է այս մասին:
Ըստ իրավապահ մարմինների՝ նախնական հետաքննությունը ցույց է տալիս, որ կրակոցը կարող է կապված լինել կենցաղային վեճի հետ, և ենթադրվում է, որ բոլոր զոհերը կասկածյալի ազգականներն են։
Դեպքի վայր ժամանելուն պես ոստիկանները հայտնաբերել են չորս մարդու դիակներ։ Ավելի ուշ հայտնաբերվել է ևս երկու զոհ։
Կասկածյալը նույնականացվել է որպես 52-ամյա Ռայան Մաքֆարլանդ, որը փախել է դեպքի վայրից և ավելի ուշ հայտնաբերվել է հրազենային վերքով, որը, ենթադրաբար, ինքնավնասման արդյունք էր։ Նա մահացել է։
Ոստիկանությունը շարունակում է միջադեպի հանգամանքների հետաքննությունը։