Իրանը մահապատժի է ենթարկել հունվարյան բողոքի ցույցերի երկու մասնակցի, հաղորդում է դատական լրատվական գործակալությունը:
Մեհրդադ Մոհամմադինիան և Աշքան Մալեքին ձերբակալվել են այս տարվա հունվարին տեղի ունեցած բողոքի ցույցերի ժամանակ։ Նրանք դատապարտվել են մահապատժի՝ Թեհրանի Գիշա շրջանում մզկիթը հրկիզելու, պետական գույքը վնասելու, անվտանգության ուժերի հետ բախվելու և փողոցներ փակելու մեղադրանքով։
Մայիսի 26-ին ԱՄՆ-ում գործող իրանական HRANA իրավապաշտպան կազմակերպությունը հայտնել է, որ երկիրը մահապատժի է ենթարկել 34-ամյա խառը մարտարվեստի նախկին չեմպիոն, մարզիչ և միջազգային մրցավար Ղոլամրեզա Հանի Շեքարաբին։
Իրանի իշխանությունները նրան համարել են «Մոսադի արտասահմանյան օպերատիվ ղեկավարներից», որը մարդկանց էր հավաքագրում երկրի ներսում։