ՀՀ կրթության, գիտության, մշակույթի և սպորտի նախարար Ժաննա Անդրեասյանը մայիսի 26-ին հրաման է ստորագրել հանրակրթական ուսումնական հաստատության ղեկավարման իրավունք (հավաստագիր) ստանալու համար հավակնորդների փաստաթղթերի ընդունման մասին։
Գործընթացն իրականացվում է «Հանրակրթության մասին» ՀՀ օրենքի և սահմանված կարգի համապատասխան պահանջների համաձայն։
Համաձայն նախարարի ստորագրած հրամանի՝ քննությունների կազմակերպման նպատակով սահմանվել են հետևյալ ժամանակացույցն ու պայմանները.
- Ընդունման ժամկետները. Փաստաթղթերն ընդունվում են 2026 թվականի մայիսի 26-ից մինչև հունիսի 16-ը ներառյալ։
- Ձևաչափը. Գործընթացն իրականացվում է առցանց տարբերակով՝ քսանչորսժամյա (24/7) ռեժիմով։
- Հարթակը. Հավակնորդները կարող են իրենց փաստաթղթերը ներկայացնել https://schoolexams.emis.am/index.php/auth էլեկտրոնային հղումով։