Ֆրանսիական ոստիկանությունը Չեմպիոնների լիգայում «Պարի Սեն Ժերմենի» (ՊՍԺ) հաղթանակից հետո տեղի ունեցած անկարգությունների ժամանակ ձերբակալել է 780 մարդու։ Այս մասին հայտարարել է Ֆրանսիայի ներքին գործերի նախարար Լորան Նունյեսը CNews հեռուստաալիքով հեռարձակված ճեպազրույցի ժամանակ։
«Իրավիճակը ընդհանուր առմամբ վերահսկողության տակ է», – ասել է նախարարը։ «Երկրի ողջ տարածքում կատարվել է 780 ձերբակալություն»։
Նախարարի խոսքով՝ Փարիզի ագլոմերացիայի տարածքում ձերբակալվել է 480 մարդ։ Նունյեսը հավելել է, որ ձերբակալությունների թիվը նախորդ տարվա համեմատ աճել է 32%-ով։ 2025 թվականին ոստիկանությունը նմանատիպ անկարգությունների ժամանակ ձերբակալել է 592 մարդու։
Ավելին, վիրավորվել է 57 ոստիկան։
Ներքին գործերի նախարարը նաև նշել է, որ ամբողջ երկրում վիրավորվել է 219 մարդ, որոնցից 8-ը գտնվում են ծանր վիճակում։ France Info-ի փոխանցմամբ՝ հղում անելով Փարիզի դատախազությանը, անկարգությունների ժամանակ մահացել է մեկ մարդ։ 2002 թվականին ծնված մոտոցիկլավարը բախվել է փողոցի բետոնե արգելապատնեշի։
Բուդապեշտում կայացած Չեմպիոնների լիգայի եզրափակչում փարիզյան ակումբը հաղթել է անգլիական «Արսենալին»։ Խաղն ավարտվեց հիմնական ժամանակից և լրացուցիչ երկու խաղակեսերից հետո 1-1 հաշվով, սակայն ՊՍԺ-ն հաղթեց 11 մետրանոց հարվածաշարում 4-3 հաշվով։ Ֆրանսիական թիմի դարպասապահը ռուս դարպասապահ Մատվեյ Սաֆոնովն էր, ով դարձավ առաջին ռուս ֆուտբոլիստը, ով երկու անգամ նվաճեց Չեմպիոնների լիգան։