ԱՄՆ նախագահ Դոնալդ Թրամփը հայտարարել է, որ Թեհրանը համաձայնել է չմշակել կամ ձեռք չբերել միջուկային զենք հակամարտությունը դադարեցնելու բանակցությունների ընթացքում։
«Սկզբում նրանք ասացին, որ չեն մշակի միջուկային զենք։ Ես հարցրի. «Ի՞նչ կլինի, եթե դուք գնեք միջուկային զենք», – ասել է նա Fox News-ին տված հարցազրույցում։ Ամերիկացի առաջնորդի խոսքով՝ համաձայնագրի նախագծում այժմ նշվում է, որ Իրանը «չի մշակի կամ որևէ կերպ ձեռք չի բերի» միջուկային զենք։ «Դա մեծ տարբերություն է», – նշել է նա։
Թրամփը հավելել է, որ հնարավոր համաձայնագիրը նաև ենթադրում է, որ «Հորմուզի նեղուցը կարող է բացվել ստորագրումից անմիջապես հետո»։