«Ռոսատոմ»-ի ղեկավար Ալեքսեյ Լիխաչովը Միջազգային ատոմային էներգիայի գործակալությանը (ՄԱԳԱՏԷ) տեղեկացրել է Զապորոժիեի ատոմակայանի (ԶԱԷԿ) №6 էներգաբլոկի մեքենայական սրահին Ուկրաինայի ԶՈւ-ի կողմից հասցված ուղիղ հարվածի մասին։
Լիխաչովը հայտարարել է, որ հարձակումը տեղի է ունեցել այսօր՝ մայիսի 30-ին: Նա սա անվանել է «առաջին նպատակաուղղված հարձակումը ատոմակայանի հանգուցային օբյեկտների վրա»։
Ըստ ռուսական կողմի՝ ուկրաինական ԱԹՍ-ն կառավարվել է օպտիկամանրաթելային կապով: Դա, ըստ «Ռոսատոմ»-ի, բացառում է պատահականության գործոնը։
Պայթյունի հետևանքով հիմնական սարքավորումները չեն վնասվել: Սակայն մեքենայական սրահի պատին անցք է բացվել:
Ուկրաինական իշխանությունները դեռևս չեն մեկնաբանել Լիխաչովի հայտարարությունները։
Եվրոպայի ամենամեծ ատոմակայանը՝ Զապորոժյեի ԱԷԿ-ը, 2022 թվականի գարնանից ի վեր վերահսկվում է ռուսական զորքերի կողմից։
Ուկրաինան և Ռուսաստանը պարբերաբար միմյանց մեղադրում են կայանի վրա հարձակման մեջ։
Կիևը նաև պնդում է, որ Մոսկվան գործարանի տարածքն օգտագործում է ռազմական տեխնիկայի և անձնակազմի տեղակայման համար։