«Իմ մտահոգությունները հետևյալն են։ Ես տեսա հնդկական գնումների արդյունքում ձեռք բերված զենքեր, ֆրանսիական, ռուսական, իրանական զինատեսակներ։ Այսօրվա պատերազմը, ընդհանրապես այսօրվա բանակը, ենթադրում է, որ այդ ամբողջը պետք է աշխատի մեկ թվայնացված հարթակի վրա։
Ուկրաինայի պատերազմը սա ցույց տվեց։ Հետախուզական տվյալները ստանալուց հետո դրանք վայրկյանների ընթացքում պետք է մշակվեն, և արդեն արհեստական բանականության կիրառմամբ թվային այդ հարթակը պետք է ցույց տա, թե որ զենքով որ թիրախը պետք է խոցել։ Այս ամենը պետք է տևի ընդամենը վայրկյաններ։
Բայց այդ երկրների ծրագրային ապահովումները լրիվ տարբեր են, իրար հետ համադրելի չեն»,- այս մասին այսօր՝ մայիսի 29-ին, լրագրողների հետ զրույցում հայտարարեց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը։
Մանրամասն՝ տեսանյութում։