Իսրայելի պաշտպանության ուժերը (ԻՊՈւ) Գազա քաղաքում հարվածել են արմատական ՀԱՄԱՍ շարժման զինյալ թևի նոր առաջնորդ Մոհամմեդ Օդեհին, որը նշանակվել էր մոտ մեկ շաբաթ առաջ։ Այս մասին հայտարարել է Իսրայելի վարչապետ Բենիամին Նեթանյահուն։
«ԻՊՈւ-ն Գազայում հարձակվել է ՀԱՄԱՍ-ի զինյալ թևի նոր առաջնորդ և հոկտեմբերի 7-ի կոտորածի կազմակերպիչներից մեկի՝ Մոհամմեդ Օդեհի վրա», – ասել է նա։ Վարչապետի գրասենյակը հրապարակել է հայտարարությունները։
ԻՊՈւ-ի տվյալներով՝ Օդեհը «հոկտեմբերի 7-ի կոտորածի ժամանակ ծառայել է որպես ՀԱՄԱՍ-ի հետախուզության ղեկավար և մոտ մեկ շաբաթ առաջ նշանակվել է Իզզադին ալ-Հադդադին փոխարինելու համար, որը սպանվել էր մոտ երկու շաբաթ առաջ Գազայի հատվածում ԻՊՈւ-ի հարձակման ժամանակ»։ «Օդեհը պատասխանատու է բազմաթիվ իսրայելցի քաղաքացիների և զինվորների սպանության, առևանգման և վիրավորման համար», – նշել է գրասենյակը։