ՀՀ ԱԳ նախարար Արարատ Միրզոյանն անդրադարձել է ամերիկա-իրանյան հակամարտությանը՝ ընդգծելով, որ խնդրի կարգավորման հարցում Հայաստանն առաջիններից մեկը կլինի, որ կուրախանա։
«Մենք՝ որպես պետություն, որը ռազմավարական գործընկերություն ունի ԱՄՆ-ի հետ, դարավոր նմանատիպ գործընկերություն ու հարաբերություններ ունի Իրանի հետ, հազար թելով կապված է և՛ Իրանի, և՛ ԱՄՆ-ի հետ, շահագրգռված ենք րոպե առաջ իրանա-ամերիկյան խնդրի կարգավորմամբ, բանակցային ու խաղաղ ճանապարհով հարցերի լուծմամբ և, ինչու չէ, ապագայում նրանց միջև համագործակցության հաստատմամբ»,- ասել է նա։