ՆԱՏՕ-ն և նրա անդամ երկրները, որոնք գտնվում են «ռևանշիստական և միլիտարիստական մոլուցքի մեջ», հիմնական սպառնալիքն են ՀԱՊԿ երկրների համար։ Այս մասին հայտարարել է Ռուսաստանի Անվտանգության խորհրդի քարտուղար Սերգեյ Շոյգուն ՀԱՊԿ Անվտանգության խորհուրդների քարտուղարների կոմիտեի նիստի ժամանակ։
«Հիմնական սպառնալիքը գալիս է ՆԱՏՕ-ից և այսպես կոչված քաղաքակիրթ Եվրոպայի անդամ երկրներից, որոնք ընկել են ռևանշիստական և միլիտարիստական մոլուցքի մեջ։ Բալթյան երկրները բացահայտորեն կոչ են անում հարձակվել Կալինինգրադի մարզի վրա։ Սա, ըստ երևույթին, ցույց է տալիս նրանց ցանկությունը խաղաղ գոյակցության իրենց հարևանների հետ», – հայտարարել է նա։