«Նապոլին» հրաժեշտ տվեց թիմի գլխավոր մարզիչ Անտոնիո Կոնտեին։
Կողմերի համագործակցության դադարեցման մասին ավելի վաղ հայտարարվել էր ակումբի նախագահ Աուրելիո Դե Լաուրենտիսի հետ կայացած համատեղ ասուլիսի ժամանակ։
Ինչպես փոխանցում է հեղինակավոր La Gazzetta dello Sport պարբերականը, իտալացին հաստատել է, որ պաշտոնը լքելու որոշումն անձամբ է կայացրել։ Կոնտեի խոսքերով՝ ինքը չի կարողացել հասնել թիմային համախմբվածության և հոգնել է ակումբի շուրջ տիրող վատ մթնոլորտից։
Չնայած այս բարդություններին՝ թիմը կարողացել է մրցաշրջանն ավարտել մրցաշարային աղյուսակի երկրորդ հորիզոնականում։ Հատկանշական է, որ ընդամենը մեկ տարի առաջ հենց Կոնտեն էր «Նապոլիին» հասցրել չեմպիոնության։