Անգլիական իրավունքում վաղուց ձևավորված «wasted costs» ինստիտուտը վերջին շրջանում ակտիվորեն քննարկվում է նաև Հայաստանում՝ որպես դատավարական կարգապահության ապահովման և անհարկի ձգձգումների կանխման հնարավոր գործիք։ Այս ինստիտուտը նախատեսում է, որ փաստաբանի անփույթ, ոչ պրոֆեսիոնալ կամ ոչ պատշաճ վարքագծի հետևանքով առաջացած ավելորդ ծախսերի փոխհատուցման պարտավորությունը կարող է դրվել հենց փաստաբանի վրա։
Թեմայի մասին Իրավական շաբաթի շրջանակներում զրուցել ենք «Ֆիդելիթի Քոնսալթինգ» փաստաբանական ընկերության կառավարող գործընկեր, փաստաբան Արմեն Մելքումյանի և «ԱՏՈՎՄՅԱՆ» իրավաբանական և խորհրդատվական ընկերության տնօրեն, փաստաբան Մարատ Ատովմյանի հետ։