Աշխարհահռչակ «System of a Down» ռոք խմբի հիմնադիր Սերժ Թանկյանը հերքել է հուլիսին Երևանում SOAD-ի սպասվող համերգի մասին լուրերը: Նա իր ինստագրամի էջում հանդես է եկել հայտարարությամբ:
«SOAD-ը Երևանո՞ւմ: Կարծես, թե ինչ-որ շփոթմունք կա այս հարցի շուրջ: Մենք մտածում էինք նվագել այս տարի՝ հուլիսին, բայց որոշեցինք հետաձգել՝ կազմակերպչական և ժամանակային որոշ մարտահրավերների պատճառով: Մենք հայտարարություն կտարածենք, երբ նոր ամսաթիվ ունենանք: Շնորհակալություն»,- գրել է երաժիշտը:
Հիշեցնենք, որ SOAD-ի՝ հուլիսին կայանալիք երևանյան համերգի մասին քարոզարշավի ժամանակ հայտարարել էր վարչապետ Նիկոլ Փաշինյանը։ Նա նշել էր, որ համերգը տեղի է ունենալու հուլիսին՝ Հանրապետության հրապարակում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: