38-ամյա կալանավոր Արթուր Պողոսյանը, FactorTV-ին ահազանելուց մեկ օր առաջ սեփական ոտքը մեխել էր իր խցի հատակին։ Հետո հրաժարվել մեխը հանել, պահանջել, որ ես գնամ։ Ի վերջո, վերքը թարախակալվել էր և ստիպված թույլ էր տվել մեխը հանել, իսկ վնասվածք ը՝ բուժել։
Կալանավորի ձեռքերի, փորի, ոտքերի և ազդրերի վրա գրեթե ազատ տեղ չէր մնացել, որտեղ վնասվածք չլիներ, իսկ կուլ տված օտար առարկաների քանակն օրգանիզմում անցնում է մեկ տասնյակը։ Տղամարդն ինքնավնասման փորձերը բացատրում է նրանով, որ դա բողոք է իր քրեական գործի ընթացքի և առողջական խնդիրների՝ անուշադրության մատնված լինելու հետ կապված։
Կալանավորի մոտ նաև հոգեկան առողջության հետ կապված խնդիրներ կան. պատմում էր՝ ընտանիքից թաքուն ՌԴ-ից կամավոր եկել և մասնակցել է 44-օրյա պատերազմին, ամեն պահ մտածել, որ ողջ չի վերադառնա։ Չի զոհվել, սակայն աչքին սկսել են պատկերներ երևալ, ձայներ լսել։
Բուժման նպատակով ցանկացել է վերադառնալ ՌԴ, սակայն չի հասցրել՝ որպես մեղադրյալ ներգրավվել է ավազակային հարձակման հոդվածով։ Այստեղ կալանավորը կցկտուր է պատմում, միայն պարբերաբար հայտարարելում էր՝ ինքն անմեղ է, երբեք գումարի կարիք չի ունեցել, որ նման հանցանք կատարի, պարզապես իր դեմ սուտ ցուցմունք են տվել, խոշտանգել են ոստիկանության բաժնում։
Ռոզա Վարդանյան, Factor.am