Միացյալ Նահանգները շարունակում է պնդել, որ Իրանի հարստացված ուրանը պետք է ոչնչացվի։ Սա հաստատել է ԱՄՆ պետքարտուղար Մարկո Ռուբիոն։
«Մենք պետք է լուծենք հարստացված ուրանի և դրա ոչնչացման հարցը։ Եվ, իհարկե, մենք պետք է ապագայում լուծենք ուրանի հարստացման հարցը», – ասել է նա՝ մեկնաբանելով Իրանի հետ երկխոսության ընթացքը Շվեդիայում ՆԱՏՕ-ի արտաքին գործերի նախարարների հանդիպման շրջանակներում լրագրողների հետ զրույցում։
Միևնույն ժամանակ, Ռուբիոն հիշեցրել է, որ Վաշինգտոնի կարծիքով, Թեհրանի հետ դիվանագիտական գործընթացում առաջընթաց կա։ «Կա որոշակի առաջընթաց։ Ես չէի չափազանցնի դա։ Եվ չէի փոքրացնի դրա նշանակությունը», – նշել է Ռուբիոն։ «Դա լավ նշան է», – ասել է նա առաջընթացի մասին։ «Բայց դեռ աշխատանք կա անելու», – ընդգծել է պետքարտուղարը։