Անցած ժամվա լուրերը՝ հակիրճ և բովանդակային.
· ՀՀ քննչական կոմիտեում քրեական վարույթ է նախաձեռնվել Ջերմուկի մարտական դիրքը Ադրբեջանին հանձնելու վերաբերյալ սուտ տեղեկություններ տարածելու դեպքի առթիվ։
· Իրավապահները խուզարկություն են իրականացրել ԱԺ պատգամավոր Մարտուն Գրիգորյանի տանը՝ նախընտրական բարեգործական արգելքի հնարավոր խախտման գործով։
· Վարչապետ Նիկոլ Փաշինյանը հայտարարել է, որ հայաստանյան իրավապահ մարմինները տեղյակ են երկրում գործող լրտեսների մասին և կգործեն հարմար պահի։
· Նիկոլ Փաշինյանը նշել է, որ ԵԱՏՄ-ում Հայաստանի կարգավիճակի և անդամակցությունից դուրս գալու հարցը կարող է քննարկել բացառապես հենց Հայաստանը։
· ՆԳՆ քրեական ոստիկանությունը բջջային օպերատորների հետ համատեղ սահմանափակել է միջազգային կոդերով տարածվող ֆիշինգային SMS-ների հասանելիությունը։
· Կուբայի արտգործնախարարը սուտ է որակել ԱՄՆ պետքարտուղարի հայտարարությունը և նշել, որ իր երկիրը երբեք սպառնալիք չի եղել Վաշինգտոնի համար։
· ԱՄՆ-ն դադարեցրել է Թայվանին 14 միլիարդ դոլարի զենքի մատակարարումը՝ այդ սպառազինությունը Իրանի դեմ հնարավոր պատերազմում օգտագործելու պատճառով։