Երևանի քաղաքապետ Տիգրան Ավինյանը Ավանում ՔՊ նախընտրական քարոզարշավի ժամանակ հայտարարել է, որ ժողովուրդը հունիսի 7-ի ընտրություններին կարևորագույն որոշում ունի կայացնելու։
«Իմ կարծիքով՝ այն հաստատված խաղաղությունը, որն արդեն 2․5 տարի է՝ մեր սահմաններին է, և մենք զոհեր ու վիրավորներ չունենք կրակոցներից, պետք է փոխանցենք մեր երիտասարդ սերնդին։ Մենք չպետք է փոխանցենք մեր հոգսերն ու չլուծած խնդիրները նրանց»,- ասել է քաղաքապետը։
Նրա խոսքով՝ նրանց պետք է փոխանցել իրապես ամուր և կայուն խաղաղություն. «Իսկ այդ խաղաղության կայունության և ամրության մեջ, ես վստահ եմ, դուք մայիսի 28-ին կհամոզվեք»,- նշել է Տիգրան Ավինյանը։