Ռուսաստանի Չելյաբինսկի մարզի Կորկինո քաղաքում ավարտվել է քրեական գործի նախաքննությունը, որը վերաբերում է 38-ամյա կնոջ կողմից քրոջը ծանր մարմնական վնասվածք հասցնելու դեպքին, հայտնում է Past.am-ը՝ հղում անելով «Դոստուպ» գործակալությանը։
Քննության տվյալներով՝ հարազատների միջև հարբած վիճակում սկսված վեճը վերածվել է ֆիզիկական բախման։ Վիճաբանության ընթացքում մեղադրյալ կինը վերցրել է ապակու կտոր և հարվածել քրոջ դեմքին՝ վնասելով աչքի շրջանը։
Արդյունքում տուժողը ստացել է դեմքի և կոպերի հատվածում լուրջ վնասվածքներ, որոնք, ոստիկանության տվյալներով, հանգեցրել են մշտական արտաքին փոփոխությունների։
Կասկածյալի նկատմամբ հարուցվել է քրեական գործ՝ դիտավորությամբ ծանր մարմնական վնասվածք հասցնելու հոդվածով։ Գործի նյութերն արդեն փոխանցվել են դատարան՝ հետագա քննության համար։
Իրավապահները շարունակում են պարզել միջադեպի բոլոր հանգամանքները։