Իրանի արտաքին գործերի նախարար Աբբաս Արաղչին կարող է այցելել Նյու Յորք՝ ՄԱԿ-ի նիստին մասնակցելու համար, հայտարարել է Իրանի արտաքին գործերի նախարարության խոսնակ Իսմայիլ Բաղային։
«Հաշվի առնելով Չինաստանի նախագահությունը ՄԱԿ-ի Անվտանգության խորհրդում և նրա ծրագրերը՝ անցկացնելու արտաքին գործերի նախարարների հատուկ նիստ՝ խաղաղության և միջազգային անվտանգության հարցերը քննարկելու համար, մեր երկրի արտաքին գործերի նախարարը նույնպես հրավիրվել է այս հանդիպմանը», – ISNA-ին ասել է Բաղային։