«Politico» պարբերականի հաղորդմամբ՝ ԱՄՆ նախագահ Դոնալդ Թրամփի վարչակազմն ավելի լուրջ է դիտարկում Կուբայի դեմ ռազմական գործողությունների տարբերակը։
Նշվում է, որ տնտեսական ու դիվանագիտական ճնշումները, ներառյալ նավթային շրջափակումը, չեն ստիպել Հավանային գնալ քաղաքական բարեփոխումների։ ԱՄՆ Հարավային հրամանատարությունն արդեն սկսել է հնարավոր ռազմական սցենարների մշակումը, որոնք կարող են ներառել ինչպես կետային օդային հարվածներ, այնպես էլ ցամաքային ներխուժում։
Իրավիճակը սրվել է նաև Կուբայի նախկին նախագահ, 94-ամյա Ռաուլ Կաստրոյին կալանավորելու հնարավորության և այն տեղեկությունների ֆոնին, թե Կուբան հարյուրավոր ռազմական դրոններ է ձեռք բերել։
ԱՄՆ պետքարտուղար և ազգային անվտանգության հարցերով խորհրդական Մարկո Ռուբիոն ակնարկել է, որ Վաշինգտոնին հազիվ թե հաջողվի փոխել Կուբայի հետագիծը, քանի դեռ գործող իշխանությունը ղեկին է, և ընդգծել է Հավանայի կապերը Մոսկվայի ու Պեկինի հետ։
Ի պատասխան սպառնալիքների՝ Կուբայի նախագահ Միգել Դիաս-Կանելը հայտարարել է, որ ամերիկյան ռազմական ագրեսիան կհանգեցնի «անանցանելի հետևանքներով արյունահեղության»։
Չնայած Պենտագոնը դեռ վերջնական որոշում չի կայացրել, վերլուծաբանները նշում են, որ Իրանի հետ ընթացող պատերազմի ֆոնին Թրամփը կարող է Կուբան դիտարկել որպես «հեշտ հաղթանակի» հնարավորություն։