Իսրայելական ծայրահեղ աջակողմյան շարժման անդամների մի խումբ անօրինական կերպով հատել է Սիրիայի սահմանը։
Այս մասին հայտարարել է Իսրայելի պաշտպանության բանակի մամուլի ծառայությունը։
Դեպքը տեղի է ունեցել Գոլանի բարձունքների բուֆերային գոտում, որը վերահսկվում է Իսրայելի պաշտպանության ուժերի կողմից։
Նրանք կանգնեցվել են Սիրիայի տարածքում հայտնվելուց հետո, ապա վերադարձվել Իսրայել և ձերբակալվել։ Խախտողները հետագայում հանձնվել են ոստիկանությանը։
Իսրայելի բանակը խստորեն դատապարտել է միջադեպը՝ ակտիվիստների գործողությունները որակելով որպես քրեական հանցագործություն, որը սպառնալիք է ներկայացնում ինչպես քաղաքացիական անձանց, այնպես էլ զինվորների համար։