Չինաստանի հարավում գտնվող Գուանսի Չժուան ինքնավար շրջանում տեղի ունեցած 5.2 մագնիտուդով երկրաշարժի հետևանքով զոհվել է առնվազն երկու մարդ։ Այս մասին հաղորդել է «Xinhua» լրատվական գործակալությունը։
Փրկարարները հայտնաբերել են մեկ անձի, որը նախկինում անհետ կորած էր համարվում։
Լյուչժոու քաղաքի Լյունան շրջանում սեյսմիկ ակտիվությունը հանգեցրել է առնվազն 13 բնակելի շենքի փլուզման։ Երկրաշարժից հետո տարհանվել է ավելի քան 7000 մարդ։ Չորսը հոսպիտալացվել են։
Չինաստանի երկրաշարժերի վարչությունը նախկինում երկրաշարժի համար գործարկել էր արտակարգ իրավիճակների արձագանքման չորս մակարդակներից երրորդը, որտեղ առաջին մակարդակը ամենաբարձրն էր։