Երկրորդ համաշխարհային պատերազմի յոթ ամերիկյան ռումբեր են վնասազերծվել Գերմանիայի արևմտյան Ռեյնլանդ-Պֆալց երկրամասի Բիտբուրգ քաղաքում, հայտարարել է քաղաքային վարչակազմը։
«Երկրորդ համաշխարհային պատերազմի յոթ ռումբեր, որոնք հայտնաբերվել են անցյալ չորեքշաբթի Բիտբուրգի հեծանվային արահետի տարածքում հետախուզական աշխատանքների ժամանակ, հաջողությամբ վնասազերծվել են», – ասվում է Բիտբուրգի վարչակազմի պաշտոնական կայքում տեղադրված հայտարարության մեջ։
Տեղական իշխանությունների տվյալներով՝ ԱՄՆ պաշարներից չպայթած ռումբերից մեկը կշռում էր 125 կգ, իսկ ևս վեցը՝ 30 կգ։
Մոտ 100 մարդ մասնակցել է զինամթերքի վնասազերծման աշխատանքներին, որոնք, ընդհանուր առմամբ, տևել են մեկ ժամ։