Բուլղարիայի Սամոկով քաղաքում ընթացող ըմբշամարտի մինչև 17 տարեկանների ազատ ոճայինների Եվրոպայի առաջնությունում Հայաստանի ըմբշամարտի հավաքականի ներկայացուցիչ Սուրեն Իշխանյանը (55 կգ) հռչակվել է չեմպիոն, հայտնում է Հայաստանի ըմբշամարտի ֆեդերացիան։
Եզրափակչում հայ ըմբիշը 8:2 հաշվով հաղթել է ռուս Օսման Թեմիրսուլատնովին։ Սա Հայաստանի առաջին մեդալն է Բուլղարիայում անցկացվող մրցաշարում։