Քանատայի վարչապետ Մարք Քառնի յայտարարեց, թէ կար ժամանակ, երբ Միացեալ Նահանգներու միջեւ Քանատայի յարաբերութիւնները ուժի աղբիւր էին, սակայն այսօր անոնք տկարութեան փխրուն կէտ են:
Քառնի քանատացիներուն յղած իր պատկերասփռուած ուղերձին մէջ գովաբանեց զինուորական ղեկավարները, որոնք աւելի քան երկու դար առաջ դէմ դրած են ամերիկեան ներխուժման:
Քանատայի վարչապետը կանգնեցուց արձանը զօր. Այզիք Պրուքի` բրիտանացի հրամանատարին, որ սպաննուեցաւ, երբ 1812 թուականի պատերազմի ընթացքին Քանատան կը պաշտպանէր ամերիկեան ներխուժումէն:
«Քանատան իր ամերիկացի դրացիներէն եկող խառնաշփոթութեան վրայ չի կրնար վերահսկել, եւ չի կրնար իր ապագան կապել այն յոյսին, թէ այդ խառնաշփոթութիւնը կրնայ յանկարծ դադրիլ», նշեց ան:
«Այսօր կացութիւնը արտասովոր կը թուի, սակայն այսպիսի սպառնալիքներ նախապէս ալ դիմագրաւած ենք», աւելցուց Քանատայի վարչապետը: