Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Հնդկաստանի Ղազիաբադ քաղաքում Նիտին անունով տղամարդը ձերբակալվել է հարևանի վրա սրով հարձակվելու համար, հայտնում է Past.am-ը՝ հղում անելով India Today-ին։
Ըստ տեղեկությունների՝ Նիտինը երկար ժամանակ կասկածում էր, որ իր կինը գաղտնի հարաբերությունների մեջ է իրենց հարևան Աբհիշեկի հետ։ Խանդի պատճառով ընտանիքում հաճախակի վեճեր էին ծագում, որոնք ի վերջո ողբերգական զարգացում են ստացել։
Ապրիլի 16-ին տղամարդը զինվել է սրով և հարձակվել հարևանի վրա։ Դեպքը ֆիքսվել է տեսախցիկով։ Կադրերում երևում է, թե ինչպես է Նիտինը մոտենում Աբհիշեկին թիկունքից, երբ վերջինս զրուցում էր մեկ այլ տղամարդու հետ։
Աբհիշեկը փորձել է պաշտպանվել, սակայն հարձակվողին հաջողվել է վնասել նրա ականջը։ Վիրավորը ընկել է գետնին և փորձել ձեռքով կանգնեցնել արյունահոսությունը։
Դեպքից հետո անցորդներին հաջողվել է վնասազերծել և պահել Նիտինին մինչև ոստիկանության ժամանումը։ Իսկ Աբհիշեկը դեպքի վայրից հեռացել է հեծանիվով։
Հարձակվողը կալանավորված է, հարուցվել է քրեական գործ։
Past.am-ը շարունակում է հետևել միջազգային ուշագրավ դեպքերին։
Հետևեք մեզ՝ այստեղ