Մոսկվայի իշխանություններն արգելում են անօդաչու թռչող սարքերի հարձակումների և ահաբեկչությունների հետևանքների լուսանկարների ու տեսանյութերի տարածումը։
Ռուսաստանի մայրաքաղաքի քաղաքապետարանի մամուլի ծառայությունը հայտնել է նոր սահմանափակումների ներդրման մասին։ Ըստ պաշտոնական պարզաբանման՝ նման քայլերը պայմանավորված են հասարակական անվտանգության ապահովման անհրաժեշտությամբ։
Նշվում է, որ սահմանված արգելքը չի առնչվում այն տեղեկատվությանը, որը հրապարակվել է Ռուսաստանի պաշտպանության նախարարության կողմից։ Սահմանափակումները չեն տարածվում նաև Մոսկվայի քաղաքապետի և կառավարության պաշտոնական կայքերում, ինչպես նաև քաղաքապետի բլոգում տեղադրված նյութերի վրա։
