Ռուսաստանի արտաքին գործերի նախարարության ԱՊՀ երկրների չորրորդ դեպարտամենտի տնօրեն Միխայիլ Կալուգինը, ՏԱՍՍ-ին տված հարցազրույցում հայտարարել է, որ Երևանը, կարծես, անտեսել է Վլադիմիր Զելենսկու՝ Հայաստան կատարած այցի ժամանակ Մոսկվայի վրա կատարած հարձակումները։
«Իհարկե, Մոսկվան նկատել է Վլադիմիր Զելենսկու՝ ակնհայտորեն Բրյուսելից ոգեշնչված այցը Երևան, ինչպես նաև նրա հակառուսական հարձակումները, որոնք հայ հյուրընկալողները մանրակրկիտ անտեսել են»,- նշել է դիվանագետը։
Կալուգինի խոսքով՝ Եվրոպական քաղաքական համայնքի և Հայաստան-ԵՄ գագաթնաժողովների անցկացումը Հայաստանում տեղավորվում է հայ բնակչության համար գրավիչ եվրոպական «միրաժ» ստեղծելու տրամաբանության մեջ, հատկապես խորհրդարանական ընտրությունների նախօրեին։
«Այս տեսանկյունից մեկ կետ բացահայտող է։ Գագաթնաժողովից հետո հայտարարության մեջ նշվում է թիվ՝ ընդգծում եմ՝ 2,5 միլիարդ եվրո՝ Հայաստանում «հնարավոր ներդրումների» համար։ Սա ճիշտ նույն գումարն է, որը ԵՄ-ն խոստացել էր մի քանի տարի առաջ, բայց այդ ամբողջ ընթացքում չի կարողացել ապահովել», – նշել է դեպարտամենտի ղեկավարը։
Նա նաև նշել է, որ ԵՄ-ն Երևանին որևէ այլընտրանք չի առաջարկում Մոսկվայի փոխարեն:
Ավելի վաղ Ռուսաստանի նախագահի մամուլի քարտուղար Դմիտրի Պեսկովը հայտարարել էր, որ Կրեմլը կցանկանար ստանալ Երևանից բացատրություն Ուկրաինայի նախագահ Վլադիմիր Զելենսկու այցի և դրա արդյունքում նրան տրված հակառուսական հայտարարություններ անելու հնարավորության վերաբերյալ։