Անգլիական «Բորնմութ» ակումբի պաշտպան Ալեքս Հիմենեսը հայտնվել է սկանդալի կենտրոնում՝ անչափահաս աղջկա հետ շփումների վերաբերյալ հրապարակումների պատճառով։ Այս մասին հայտնում է Marca-ն։
Ակումբը պաշտոնական հայտարարությամբ նշել է, որ տեղյակ է սոցիալական ցանցերում տարածված տեղեկություններից և սկսել է ներքին հետաքննություն։ Նշվում է, որ 20-ամյա ֆուտբոլիստը նամակագրական կապ է ունեցել 15-ամյա աղջկա հետ և ակնարկներ արել հնարավոր հանդիպման մասին։
Ալեքս Հիմենեսը համարվում է Մադրիդի «Ռեալի» սան։ Մինչ «Բորնմութ» տեղափոխվելը նա հանդես էր գալիս «Միլանում», որի կազմում նվաճել էր Իտալիայի Սուպերգավաթը։