Իրանն իր պատասխանն է փոխանցել ԱՄՆ-ի՝ պատերազմը դադարեցնելու առաջարկին՝ այն միջնորդ Պակիստանի միջոցով ուղարկելով, հայտնում է IRNA-ն։
Իրանական կողմի առաջարկով՝ բանակցությունների ընթացիկ փուլը կենտրոնանալու է բացառապես տարածաշրջանում ռազմական գործողությունների դադարեցման վրա։ Աղբյուրի խոսքով՝ այս փուլում այլ հարցեր չեն ընդգրկվելու օրակարգում։
Reuters-ի փոխանցմամբ՝ կողմերը փորձում են հասնել ժամանակավոր հուշագրի կնքման, որը հնարավորություն կտա դադարեցնել պատերազմը և վերականգնել նավարկությունը Հորմուզի նեղուցում։
Ավելի լայն համաձայնագրի շուրջ բանակցությունները նախատեսվում է անցկացնել հաջորդ փուլերում, որտեղ կքննարկվեն նաև բարդ հարցեր, այդ թվում՝ Իրանի միջուկային ծրագիրը։