ԱՄՆ պետքարտուղար Մարկո Ռուբիոն և ԱՄՆ նախագահի հատուկ դեսպանորդ Սթիվ Ուիթքոֆը Կատարի վարչապետ և արտաքին գործերի նախարար Մուհամմեդ բին Աբդուլռահման ալ Թանիի հետ քննարկել են Իրանի հետ համաձայնության հասնելու հնարավորությունը, հաղորդում է Axios-ը՝ հղում անելով աղբյուրներին։
Ըստ Axios-ի՝ հանդիպումը տեղի է ունեցել մայիսի 9-ին Մայամիում։ Կողմերը կենտրոնացել են պատերազմը դադարեցնելու համար փոխըմբռնման հուշագրի ուղի գտնելու վրա, հաղորդում է Axios-ը։ Իր աղբյուրների համաձայն՝ ԱՄՆ-ը դեռևս չի ստացել Իրանից պատասխան իր առաջարկած հուշագրի նախագծի վերաբերյալ։
Պորտալի աղբյուրների համաձայն՝ Կատարը, Պակիստանը, Եգիպտոսը, Թուրքիան և Սաուդյան Արաբիան «աշխատում են համատեղ՝ համաձայնագիրը առաջ մղելու համար»։ Axios-ը հաղորդում է, որ միջնորդները կոչ են անում երկու կողմերին էլ թուլացնել լարվածությունը և կենտրոնանալ համաձայնության հասնելու վրա։