«Լուսավոր Հայաստան» կուսակցությունն իր նախընտրական քարոզարշավը սկսել է Երասխից։ Կուսակցության նախընտրական ցուցակը գլխավորող Էդմոն Մարուքյանը հայտարարել է, որ քարոզչական խումբը Երասխում երկու տարի առաջ կառուցվող մետալուրգիական գործարանի մոտ է, որի շինարարությունը դադարեցվել է։ Նա հիշեցրել է, որ այդ գործարանի կառուցման ընթացքում Ադրբեջանը կրակոցներ է արձակել՝ խանգարելով ընթացքին․ «Եթե ինքնիշխան, անկախ հայկական պետականություն չունեցանք, բացարձակապես չենք կարող պաշտպանված լինել ապագա ցեղասպանություններից ու ապագա արհավիրքներից»,- ասել է նա։