Միացյալ Նահանգների և Իրանի միջև տեղի է ունեցել հրաձգություն, որը դարձել է ամենալուրջ փորձությունը մեկ ամիս տևող զինադադարի ընթացքում:
Այնուամենայնիվ, Իրանը հայտարարել է, որ իրավիճակը կարգավորվել է, իսկ ԱՄՆ-ը նշել է, որ չի ձգտում էսկալացիայի:
Ռազմական գործողությունների վերսկսումը տեղի ունեցավ այն պահին, երբ Վաշինգտոնը սպասում էր ԱՄՆ-ի առաջարկի վերաբերյալ Իրանի պատասխանին։
Իրանցի զինվորականները հայտարարել են, որ ԱՄՆ-ը հարվածներ է հասցրել Հորմուզի նեղուց մտած երկու նավերի և իրանական տարածքի ուղղությամբ: Ամերիկյան զինուժն էլ պնդում է, որ կրակ է բացել ի պատասխան իրանական հարձակումների:
Թրամփը լրագրողների հետ զրույցում ասել է, որ զինադադարը դեռևս ուժի մեջ է, և փորձել է նվազեցնել տեղի ունեցածի նշանակությունը:
«Այսօր նրանք փորձում էին ձեռ առնել մեզ: Մենք նրանց ջախջախեցինք»,- ասել է Թրամփը։