Ամերիկյան տիեզերական ծրագիրը նոր մրցավազքի փուլում է։ NASA-ն պատրաստվում է 2028-ին կրկին մարդ իջեցնել Լուսնի վրա, բայց ամեն ինչ կախված է ոչ թե միայն իրենցից, այլ մասնավոր ընկերություններից։
Խոսքը երկու հսկաների մասին է՝ SpaceX և Blue Origin։ Առաջինը զարգացնում է Starship տիեզերանավը, որը պետք է ուղեծրում լիցքավորվի ու հետո շարժվի դեպի Լուսին։ Երկրորդը աշխատում է Blue Moon սարքի վրա՝ ավելի զգուշավոր, փուլային մոտեցմամբ։
Սակայն պլանը փոքր-ինչ փոխվել է․ 2027-ին նախ կանցկացվի փորձնական թռիչք Երկրի ուղեծրում, իսկ իրական վայրէջքը նախատեսվում է 2028-ին։
Ամենահետաքրքիրն այն է, որ NASA-ն արդեն հայտարարել է՝ կընտրի այն տարբերակը, որը առաջինն ամբողջությամբ պատրաստ կլինի։