Անցած ժամվա լուրերը՝ հակիրճ և բովանդակային.
. Վեդիում անչափահասների նկատմամբ սեռական բռնության գործով մեղադրյալներ դեռևս չկան, իսկ փաստաբանը բարձրաձայնում է քննչական թերացումների և պետական մարմինների անգործության մասին։
. Ադրբեջանի տարածքով Ռուսաստանից Հայաստան է ներկրվում ալյումինի առաջին, հացահատիկի և պարարտանյութի հերթական խմբաքանակները:
. Ոստիկանությունը ձերբակալել է աղմկահարույց վթարի մասնակից 19-ամյա վարորդին, ում նկատմամբ հարուցվել է քրեական վարույթ խուլիգանության հատկանիշներով։
. Էկոնոմիկայի նախարարը Վայոց ձորում ծանոթացել է զբոսաշրջային ենթակառուցվածքների զարգացմանն ուղղված 25 միլիոն դոլար արժողությամբ ներդրումային ծրագրերին։
. Գլխավոր դատախազը Ազգային ժողովում հրաժարվել է անուններ տալ «բենզինային մաֆիայի» գործով՝ հաստատելով միայն նախկին պաշտոնյաների առնչությամբ քրեական վարույթների առկայությունը։
. Ազգային ժողովում կառավարության հետ հարցուպատասխանն ընդդիմության բացակայության և հարցերի սակավության պատճառով տևել է ընդամենը մի քանի րոպե։
. Կանարյան կղզիներն արգելել են վիրուսի բռնկմամբ զբոսաշրջային նավի մուտքը նավահանգիստ՝ ուղևորների մահվան և անվտանգային ռիսկերի պատճառով։