Վաշինգտոնն ու Թեհրանը մոտ են զինված հակամարտության դադարեցման վերաբերյալ հուշագրի ստորագրմանը։ Այս մասին հաղորդում է Axios-ը՝ հղում անելով աղբյուրներին։
Այս աղբյուրների համաձայն՝ Հորմուզի նեղուցում «Ազատություն» գործողությունը կասեցնելու ԱՄՆ ղեկավարության որոշումը կապված է բանակցությունների առաջընթացի հետ։ Հուշագրի նախագիծը հիմնված է ԱՄՆ 14 կետանոց ծրագրի վրա, որը նախատեսում է տարածաշրջանում ռազմական գործողությունների դադարեցում և Հորմուզի նեղուցում նավագնացության, Իրանի միջուկային ծրագրի և ԱՄՆ պատժամիջոցների վերացման հեռանկարների վերաբերյալ 30-օրյա բանակցությունների սկիզբ։
Երկու աղբյուրների համաձայն՝ նեղուցը բացելու, Իրանի միջուկային ծրագիրը սահմանափակելու և ԱՄՆ պատժամիջոցները վերացնելու համաձայնագրի մանրամասների շուրջ բանակցությունները կարող են տեղի ունենալ Իսլամաբադում կամ Ժնևում։ Եթե բանակցությունները ձախողվեն, ԱՄՆ ուժերը կարող են վերսկսել շրջափակումը կամ ռազմական գործողությունները, նշել է աղբյուրներից մեկը։