ԱՄՆ պաշտոնյաները, այդ թվում՝ ԱՄՆ նախագահի դեսպան Սթիվ Վիտկոֆը և ամերիկացի առաջնորդի փեսան՝ Ջարեդ Քուշները, ջանասիրաբար աշխատում են Իրանի հետ հակամարտության դիվանագիտական լուծում գտնելու ուղղությամբ։
Այս մասին հայտարարել է ԱՄՆ պետքարտուղար և ազգային անվտանգության խորհրդական Մարկո Ռուբիոն Սպիտակ տանը լրագրողների համար կայացած ճեպազրույցի ժամանակ։
«Իրանը պետք է ընդունի այս իրավիճակի իրականությունը, նստի բանակցությունների սեղանի շուրջ և ընդունի պայմաններ, որոնք լավ են իրենց համար, բայց, ի վերջո, լավ են աշխարհի համար», – ասել է նա։ «Եթե կա դիվանագիտական ուղի, չգիտեմ՝ ինչ կլինի այն, մենք շարունակում ենք աշխատել դրա վրա։ Սթիվը [Վիտկոֆը] և Ջարեդը [Քուշները] չափազանց ջանասիրաբար աշխատում են դրա վրա։ Եթե դա հնարավոր է, այն պետք է նրանց [Իրանին] տանի դեպի վերակառուցում, բարգավաճում և կայունություն, և դեպի այնպիսի վիճակ, որտեղ նրանք այլևս սպառնալիք չեն աշխարհի համար»։
ԱՄՆ պետքարտուղարի խոսքով՝ Իսլամական Հանրապետության համար դիվանագիտական լուծման այլընտրանքը կլինի «մեծացող մեկուսացումը, տնտեսական փլուզումը և, ի վերջո, լիակատար պարտությունը»։