Ըստ «Важные истории» պարբերականի ձեռքբերած տվյալների՝ 2026 թվականի մարտից սկսած Ռուսաստանի նախագահի աշխատակազմում տիրում է բարձր տագնապի մթնոլորտ։ Վլադիմիր Պուտինը մտահոգված է տեղեկատվության արտահոսքով և քաղաքական էլիտայի կողմից հնարավոր դավադրության կամ հեղաշրջման ռիսկերով։
Այս համատեքստում Դաշնային պահպանության ծառայությունը (ФСО) աննախադեպ խստացրել է անվտանգության միջոցառումները.
- Նախագահն ու նրա ընտանիքը դադարել են այցելել մերձմոսկովյան և Վալդայի սովորական նստավայրերը՝ պատսպարվելով արդիականացված բունկերներում։
- Պուտինի մերձավոր աշխատակիցներին արգելվել է օգտվել սմարթֆոններից և հասարակական տրանսպորտից, իսկ նրանց տներում տեղադրվել են տեսահսկման համակարգեր։
- Մոսկվայի առանձին շրջաններում պարբերաբար անջատվում են կապի ցանցերը, իսկ նախագահի այցերի մասին տեղեկությունները խստորեն վերահսկվում են։
«Важные истории»-ն նաև նշում է, որ ուժային կառույցների միջև լարվածությունն աճել է բարձրաստիճան զինվորականների դեմ իրականացված մահափորձերի ֆոնին։ Մասնավորապես, Անվտանգության խորհրդի քարտուղար Սերգեյ Շոյգուն դիտարկվում է որպես ապակայունացնող գործոն, իսկ նրա մերձավորների ձերբակալությունները համարվում են ազդեցության թուլացման փորձ։
Նախագահի որոշմամբ՝ ФСО-ի պաշտպանության տակ են առնվել ևս տասը բարձրաստիճան գեներալներ, ինչը վկայում է Գլխավոր շտաբի պետ Վալերի Գերասիմովի քաղաքական կշռի պահպանման մասին։