Եվրոպական քաղաքական համայնքի գագաթնաժողովի շրջանակներում կայացել է Հայաստանի վարչապետ Նիկոլ Փաշինյանի և ՆԱՏՕ-ի գլխավոր քարտուղար Մարկ Ռյուտեի հանդիպումը: Բարձրաստիճան պաշտոնյաների ուշադրության կենտրոնում են եղել տարածաշրջանային անվտանգության մարտահրավերներն ու Երևան-Հյուսիսատլանտյան դաշինք հարաբերությունների ընդլայնման հեռանկարները:
ՀՀ կառավարության փոխանցմամբ՝ բանակցությունների ընթացքում կողմերը հանգամանալից քննարկել են համագործակցության ներկայիս ընթացքը։ Վարչապետ Փաշինյանը հատուկ կարևորել է գործընկերության շարունակական խորացումը՝ առանձնակի շեշտելով հանրապետությունում ընթացող ժողովրդավարական բարեփոխումներն ու պաշտպանական ոլորտում կարողությունների զարգացմանն ուղղված հստակ քայլերը:
Զրույցի ընթացքում անդրադարձ է կատարվել նաև միջազգային և տարածաշրջանային կայունության ամրապնդմանն ուղղված ջանքերին, ինչպես նաև երկուստեք հետաքրքրություն ներկայացնող այլ օրակարգային հարցերի: Հանդիպման ավարտին վերահաստատվել է ընդհանուր արժեքների և փոխադարձ վստահության վրա խարսխված կառուցողական երկխոսությունը շարունակելու երկկողմ պատրաստակամությունը: