ԱՄՆ պետքարտուղար և ԱՄՆ նախագահի ազգային անվտանգության խորհրդական Մարկո Ռուբիոն հարսանիքի ժամանակ որպես դիջեյ է հանդես եկել։ Այս մասին հայտարարել է Սպիտակ տան նախագահի օգնական և աշխատակազմի ղեկավարի տեղակալ Դեն Սկավինոն։
«Հենց հիմա, կուլիսներում. մեր հրաշալի պետքարտուղար Մարկո Ռուբիոն նույնպես հարսանիքների ժամանակ դիջեյություն է անում։ Ահա նա այսօր երեկոյան հարսանիքի դիջեյի խցիկում է», – գրել է Սկավինոն X-ում։
Տեսանյութում երևում է սենյակ, որտեղ մարդիկ պարում են, և ֆոնին դիջեյի խցիկ, որի ետևում կանգնած է գործնական կոստյումով տղամարդ։ Սկավինոն չի նշել, թե ում հարսանիքին կարող էր ներկա լինել Ռուբիոն։
Ըստ ամերիկյան լրատվամիջոցների՝ Ռուբիոն վերջին ամիսներին դարձել է առցանց կատակների թեմա, որտեղ նրան անվանում են «Ամեն ինչի նախարար»։ Նա զբաղեցնում է երկու ազդեցիկ պաշտոն վարչակազմում և նաև առաջատար դեր է խաղում Սպիտակ տան Վենեսուելայի և Կուբայի նկատմամբ քաղաքականության մեջ։
MOMENTS AGO, BEHIND THE SCENES—Our Great Secretary of State @MarcoRubio DJ’s weddings too! Here he is in action tonight at a family wedding…
Let’s goooooo!!!🎶🎼🎵 pic.twitter.com/P8o79iwmZG
— Dan Scavino Jr.🇺🇸🦅 (@DanScavino) May 3, 2026